”හුස්ම දෙන තුරු” ජාතික රුක් රෝපණ වැඩසටහන ඇරඹෙයි

0
41
Husma-Dena-Thuru

පැළ මිලියන 02ක් සිටුවන ”හුස්ම දෙන තුරු” ජාතික රුක් රෝපණ වැඩසටහන ජනාධිපති ගෝඨාභය රාජපක්ෂ මහතාගේ ප‍්‍රධානත්වයෙන් ඊයේ (20* ඇරඹිණි.
 
 ”සෞභාග්‍යයේ දැක්ම” රාජ්‍ය ප‍්‍රතිපත්ති ප‍්‍රකාශනයේ සඳහන් පරිදි රටේ වනගහනය භූමි ප‍්‍රමාණයෙන් 30%ක් දක්වා වැඩිකිරීමට මෙමගින් අපේක්ෂා කෙරේ. ඊට අනුගතව පරිසර අමාත්‍යාංශය විසින් වැඩසටහන සැලසුම් කෙරිණ.
 
 වායු ගෝලයේ කාබන් ඩයොක්සයිඞ් ප‍්‍රතිශතය අවම කර ගැනීම හා ඔක්සිජන් පරිමාව ඉහළ නැංවීම අරමුණු කර ගනිමින් ඒ ඒ ප‍්‍රදේශවලට ගැලපෙන පරිදි රුක් රෝපණය කිරීමට නියමිතය. ඉදිරි වසර පහ ඇතුළත පැළ මිලියන 02ක් රෝපණය කිරීමට පරිසර අමාත්‍යාංශය සැලසුම් කර ඇත.
 
 මධ්‍යම පරිසර අධිකාරිය, පරිසර අමාත්‍යාංශය, ආරක්ෂක මූලස්ථානය හා ශ‍්‍රී ලංකා යුද හමුදාව ඒකාබද්ධව වැඩසටහන ක‍්‍රියාත්මක කරයි.
 
 ජනාධිපතිවරයා ඊයේ (20* පෙරවරුවේ බත්තරමුල්ල, මධ්‍යම පරිසර අධිකාරිය ඉදිරිපිට ආරක්ෂක මූලස්ථාන පිවිසුම් මාර්ගය අසල පළමු පැළය ලෙස සුදු සඳුන් පැළයක් රෝපණය කළේය. පරිසර අමාත්‍ය මහින්ද අමරවීර සහ හමුදා මාණ්ඩලික ප‍්‍රධානී හා යුද හමුදාපති ලූතිනන් ජෙනරාල් ශවේන්ද්‍ර සිල්වා යන මහත්වරු ද පැළ සිටුවමින් වැඩසටහනට එක් වූහ.
 
 රට පුරා පැළ බෙදා දීම සංකේතවත් කරමින් පාසල් ශිෂ්‍ය ශිෂ්‍යාවන් පිරිසකට පැළ බෙදා දෙනු ලැබීය.
 
 පරිසර අමාත්‍යාංශයේ ලේකම් අනිල් ජාසිංහ මහතා ඇතුළු පිරිසක් මේ අවස්ථාවට එක්ව සිටියහ.

මෙවැනි පුවත් ඉක්මනින්ම දැනගැනීම සඳහා අපගේ f.b පිටුව like කර තබා ගන්න.
Blue-and-Red-72x36-Landscape-Voter-Education-Banner-1
Up to December 17, 2020
Advertisement

ඔබගේ සියළුම ඉදිකිරීම් අවශ්‍යතාවයන් සදහා ග්‍රීන් ඇස්සිස් ඉංජිනිරින් ආයතනය අමතන්න

0770312818 / Click here for Facebook

Call Now 0717 93 82 93

LEAVE A REPLY

Please enter your comment!
Please enter your name here