රිදිවිට ගම් තුලානේ හිඳිනා
පිපුණු සඳ මල සිනාසේ සොඳිනා
කුලවතානෝ ශ්වේත සළු උනනා
සඳ දියට වැද කිළිටිවුනි පොඩිනා
අතින් සේදුනු පව ගලා යනවා
සිතින් නවතා යළි උලා එනවා
හදින් බිඳි කිළි සළු සොයා යනවා
දුක පොරෝගෙන හීන වැළලෙනවා
සනුහරේ නම්බුවට සිත දෙනවා
පපුතුරේ පිරි දුක උරා බොනවා
කැප කරපු හදවත බිඳී යනවා
හප කරපු සෙනෙහස දිරා යනවා
පෙත්තරේ ළඟ පැන්තොටේ සුදනා
නෙත් විලේ ඒ අනගි සුව විඳිනා
සිත් මලේ බැඳි වේරහැර දිලුනා
සෙං කොට්ටමේ කිළි රැඳී තව තිබුනා
මෙවැනි පුවත් ඉක්මනින්ම දැනගැනීම සඳහා අපගේ f.b පිටුව like කර තබා ගන්න.
